Presentamos ao pleno de setembro unha moción, á que se uniron todos os grupos da oposición de Narón, para que fose recuperado o convenio de taxis que se usaban como transporte público á escola rural de Sedes. A decisión unilateral do concello a tres días do inicio do curso colleu por sorpresa á comunidade educativa, aos taxis que prestaban o servizo e a veciñanza da parroquia.
Desde o BNG de Narón propoñemos destinar as naves da Feira do Trece en Sedes a un proxecto que valga para congresos, encontros e exposicións. As tres primeiras persoas da nosa candidatura para as municipais presentaron o proxecto este mediodía.
A nosa portavoz municipal, Olaia Ledo, e varios membros da organización, reuníronse coa presidenta da Asociación de Persoas Xordas de Ferrolterra para falar das cousas que se poden mellorar nas relacións entre o Concello e a entidade.
A candidatura do BNG está dotada de experiencia municipal, capacidade e práctica no eido laboral e no movemento asociativo da cidade de Narón. Presentamos publicamente a listaxe de persoas que integran a candidatura para as eleccións do 28M que, en palabras de Olaia Ledo, vindeira alcaldesa, conforman “un equipo preparado para gobernar". “Son persoas co corazón en Narón e capacidade, formación e compromiso para xestionar os retos do noso concello, cun proxecto claro e transformador. Con ilusión e traballo poremos os servizos sociais, a igualdade, a cultura, o emprego, o deporte, o ecoloxismo, integrar rural e urbano e o espazo público, como bens de primeira necesidade”, indicou.
Vídeo que se estreou o día da presentación de Olaia Ledo como candidata, coa participación de Ana Pontón e ao que acudiron centos de naronesas e naroneses. Unídevos a ilusión e ao BNG, o proxecto que precisa #Narón
No ano 2015 a senda fluvial ía contar, segundo o anunciado polo propio concello de Narón, con senda peoníl, carril bici e dúas áreas de esparcemento. Hoxe hai unha soa senda para compartir peóns e bicis e non se proxecta ese parque infantil.
Néstor Rego exixe medidas compensatorias para a liña de ancho métrico Ferrol-Ribadeo ante os erros detectados no deseño dos trens e o retraso que provocará na entrega do material rodante
A frente nacionalista lembra o compromiso adquirido polo Goberno para mellorar a calidade do servizo, a modernización do material e aumentar a fiabilidade
