Denunciamos o estado de abandono da cartelería informativa da Senda Ártabra o dos postes indicativos da ruta por esta senda e do Camino a Santo André.
Presentamos unha moción no pleno para frear o prezo dos alugueiros, facilitar o acceso á vivenda social en Narón, e iniciar un plan para a mocidade.Ademais desta moción, no BNG iniciamos unha campaña, continuada no tempo, para informar dos problemas de acceso á vivenda na nosa cidade e das políticas transformadoras que propomos para que o dereitos a unha vivenda digna sexa unha realidade para todos e todas.
Reunímonos coas ANPAS de diferentes CEIPS e o CPI O Feal por mor da situación que viven na xestión dos almorzos. Na reunión, ademais da portavoz municipal Olaia Ledo e a responsábel local Marta Grandal, estiveron os deputados Mon Fernández e Xosé Manuel Golpe comprometéndose a levar o tema ao parlamento galego. No BNG consideramos necesario que o concello inicie os traballos e dote o orzamento necesario para asumir o servizo mentres a Xunta non o faga.
Presentamos unha moción no pleno de marzo onde pedimos abrir un espazo a toda a veciñanza para recoller propostas e modificar o Regulamento de Participación Cidadá porque din que o actual non está a cumprir os obxectivos para os que foi creado.
Visitamos o xoves 7 de marzo de mañá o estado das obras da rúa a Solaina despois de comprobar que entrara por rexistro “a solicitude de tramitación de recepción parcial de FASE #7 da obra “HUMANIZACIÓN RÚA A SOLAINA” para o día 08 de marzo ás 12h. A nosa avaliación pasa por ver o “desastre” da execución da “obra de humanización”; o ano que leva de retraso e, que a intervención de 700.000 euros iniciais, ten un sobrecuste engadido de 320.000 euros desde a primeira semana.
Comprometémonos coas ANPAs de Narón a que a Xunta xestione o servizo de madrugadores e xantares para garantir o acceso ao servizos a todos os centro e que, de maneira paulatina, aténdase a xestión pública directa desde a administración galega.
