Consideramos que o que presenta o goberno como III Plan de Igualdade chega moi tarde nesta lexislatura e condiciona a vindeira. Ademais, reclamamos máis transparencia no proceso do que descoñecemos as conclusións. Consideramos o Plan presentado como un punto de inicio para elaborar unha estratexia válida e concluínte pero no que falta información que pedimos por rexistro e non nos foi facilitada nin tan sequera para o pleno. Este plan é propaganda como o é que estea na cartelería do concello desde hai máis dun ano sen existir tal plan
No BNG reclamamos diferentes actuacións en materia de accesibilidade, servizos sociais, infraestructuras, medio ambiente, bonificación de diferentes taxas para entidades ou destinar o 1% dos orzamentos á materia de igualdade coa creación dun Centro de Información á muller. Propostas concretas que desde o BNG consideramos imprecindíbeis para os orzamentos do 2023.
No BNG de Narón visitamos a contorna do muíño de Xuvia este xoves 28 ao remate dun pleno onde fixemos pregunta á alcaldesa para que explicase se pensa inaugurar o Muíño de Xuvia sen poder funcionar a moenda a pesar de restaurar os artiluxios fabrís do propio muíño. A resposta da alcaldesa foi afirmativa mais, ante a información por parte da empresa adxudicataria e a revisión dos pregos do proxecto de rehabilitación polo BNG sabemos que minte e por iso denunciamos a imposibilidade de que sexa así pola cantidade de lodos que “taponan” o movemento natural dun muíño de río como neste caso o de Xuvia.
Os problemas de firme da calzada e accesibilidade á estación de tren de Xuvia son unha evidencia son con achegarte á zona. Agora este tramo de calzada dependente do estado van ao congreso grazas ao BNG. No BNG de Narón reclamamos solucións e respostas a unha demanda veciñal na que a AV Altea de Xuvia ten solicitado en diferentes consellos territoriais e mesmo por escrito. Se o concello non chega ou dalle igual nós temos claro que non e faremos todo o que estea na nosa man para que os nosos barrios e parroquias teñan vida, un plan de mobilidade axeitado e sexan entornos amábeis para vivir.
Indignación é o que sentimos no BNG porque o concello nega unha reunión con todos os grupos políticos despois de que fose solicitada por Rexistro por parte dos traballadores da concesionaria Serviplus, que están en loita para que se cumpran os seus dereitos.
O BNG de Narón presenta unha moción para o seu debate no pleno de abril que reclama a colocación de sinalética adapatada ás persoas de espectro autista. Reclamamos a inclusividade coma un dereito e que se teña en conta a accesibilidade cognitiva a través de pictogramas informativos para que as persoas con diferentes capacidades poidan comprender os diferentes espazos nos que se moven e favorecer a súa autonomía persoal e toma de decisións.
