Xa podes acceder ao noso programa dándolle ao seguinte enlace:
https://naron.opennemas.com/media/naron/files/2023/05/13/PROGRAMA%20ELEITORAL%202023%20NAROM%20redes.pdf
As choivas do inverno produciron un corremento de terras na zona do Muíño das Aceas nun lugar que precisa intervención urxente. O Concello propietario do inmoble, a partir dunha moción do BNG aprobada en pleno, non ten aínda un proxecto de recuperación do mesmo. O concello non é quen de xestionar con outras administracións para porlle solucións e, a 40 días das eleccións, anuncian un proxecto para o muiño cando nin tan sequera teñen o Muíño de Xuvia co museo que lle corresponde.
A candidatura do BNG está dotada de experiencia municipal, capacidade e práctica no eido laboral e no movemento asociativo da cidade de Narón. Presentamos publicamente a listaxe de persoas que integran a candidatura para as eleccións do 28M que, en palabras de Olaia Ledo, vindeira alcaldesa, conforman “un equipo preparado para gobernar". “Son persoas co corazón en Narón e capacidade, formación e compromiso para xestionar os retos do noso concello, cun proxecto claro e transformador. Con ilusión e traballo poremos os servizos sociais, a igualdade, a cultura, o emprego, o deporte, o ecoloxismo, integrar rural e urbano e o espazo público, como bens de primeira necesidade”, indicou.
O BNG de Narón realizou unha asemblea local este xoves 19 de Novembro ás oito do serán do que saíu aprobada o primeiro tramo da candidatura co que concorrerán ás eleccións municipais de maio. Estamos preparadas e preparados para gobernar e por iso damos un paso ao fronte.
No pleno municipal de setembro, desde o pediu a través dun rogo á alcaldesa unha alternativa cando se iniciasen as obras do novo aparcadoiro para a xente que tivese que aparcar ao chegar ao novo centro de saúde poida seguir a facelo. A nosa proposta é acordar coa urbanización “as torres” para que durante o día se poida aparcar alí se tes que acudir ao PAC de Narón.
O título de Conde de Fenosa creado polo dicatador Franco foi retirado no seu artigo 41 pola lei de memoria democrática o 21 de outubro de 2022. Descoñecemos o procedemnto do concello para o nomeamento mais si que Narón debera recuperar topónimos e microtopónimos orixinais dos lugares; non nomear a represores no seu rueiro.
No BNG denunciamos que o proxecto de derrubamento aprobado polo goberno cun modificado de crédito vén sen un proxecto posterior de uso cando o concello prometera nas últimas elección municipais unha piscina terapéutica. Desde o BNG tememos que seguirán sen proxecto “máis alá de vender fume” cando toque campaña electoral no 2023. Tamén preocúpalles o elevado gasto de derrubamento.
O BNG pregunta no congreso se o Goberno é coñecedor da situación das 15 familias ameazadas co desaloxo das súas vivendas e se realizará xestións para paralizar o desafiuzamento. No parlamento galego reclama que a Xunta medie xunto o concello de Narón e comece unha reclamación para que estes activos pasen ao IGVS (Instituto Galego de vivenda e Solo) co obxectivo de dar continuidade aos alugueiros que tiñan e que non haxa desafiuzamentos.
O 5 de maio o BNG de Narón mantiña unha reunicón coas asociacións veciñais de Sedes, O Val e San Mateo afectadas por posíbeis parques eólicos nun futuro. Antes rexistrara petición ao concello para ter información e a resposta foi que nada sabían. Ante isto desde o BNG decidimos buscar solucións directamente e presentamos unha moción municipal que foi aprobada na que se alertaba das consecuencias do boom eólico. O que non sabíamos a aquela altura e que a parroquia de Doso entraba nunha parte na poligonal do parque de Caaveiro.
O BNG de Narón presenta no mes de xuño unha moción municipal para instar a tomar as medidas oportunas perante a Xunta de Galiza e o goberno do estado para que a fibra óptica chegue a todos os barrios e parroquias do Concello e rematar coa fenda dixital
Luns 25 de xaneiro.
Narón é o único concello de máis de 20.000 habitantes que non conta cunha residencia de maiores pública, só conta cunha escola infantil pública, non ten un centro de formación profesional e o novo centro de saúde non terá psicoloxía clínica de momento. Desde o BNG consideran que un concello de 40.000 habitantes precisa todas as medidas reclamadas e presentadas hai dous meses polo BNG no parlamento galego para os orzamentos da Xunta que agora goberno galego vén de rexeitar.
O BNG de Narón, a través do seu deputado Néstor Rego, pregunta ao goberno se ten pensado adquirir como ben público o muíño das Aceñas en estado de abandono e que foi declarado de “interese público” nun consello de ministros no 2010.O Bloque iniciou este verán unha campaña de mobilización para a posta en valor do patrimonio naronés e para reclamar atención nos camiños de sendeirismo en estado deterioro e insistiron na recuperación do muíño das Aceñas que consideran un símbolo
