Presentamos unha moción para esixir a convocatoria inmediata das subvencións de concorrencia competitiva de 2026 e medidas de compensación polas axudas que o Concello deixou morrer o ano pasado.
Presentamos un novo requirimento oficial ante o Concello para manifestar a nosa oposición fronte ao avance da licitación do ciclo integral da auga. Esta decisión chega tras recibir unha certificación de urxencia do acordo plenario do pasado 30 de abril, remitida polo Goberno local antes sequera de que a acta fose aprobada, nun claro intento de acelerar os trámites a calquera prezo cando non existe un aval firme sobre a sustentabilidade financeira do proxecto.
Reunímonos co ANPA do CEIP A Solaina para coñecer de primeira man as lamentábeis condicións estruturais nas que se atopa este centro.
Denunciamos a "irresponsabilidade" do Goberno local ao manter a súa folla de ruta para privatizar o ciclo integral da auga a pesar de recoñecer explicitamente que o expediente está incompleto e carece de estudos económicos rigorosos.
Desde o grupo municipal do BNG de Narón queremos facer pública a nosa profunda preocupación e total apoio ás familias afectadas polo grave episodio de intoxicación alimentaria acontecido tras a xornada do Club de Debate "Alingua" o pasado martes 3 de marzo e que afectou tamén a persoas usuarias do centro de día. Tras escoitar as denuncias de FEANPAS e de familias que se achegaron para informarnos, esiximos ao goberno municipal unha actuación inmediata e contundente.
O 28 de febreiro de hai dez anos escollimos unha dirección nacional do BNG encabezada por Ana Pontón que nos deu moitas alegrías. E hoxe, dez anos despois, tivemos a nosa asemblea local para escoller ao noso vindeiro candidato nas eleccións municipais en Narón. Geno Carballeira, concelleiro actualmente polo BNG desde hai sete anos, dá o paso despois de ser escollido por unanimidade nun encontro onde a ilusión e as ganas de levar a Narón con rumbo certo rebosaron no Muíño de Xuvia.
Rexistramos dúas mocións para o seu debate no vindeiro Pleno. Buscamos dar estabilidade ao tecido asociativo da cidade e garantir a calidade dun servizo esencial como é a Axuda no Fogar.
O grupo municipal do BNG de Narón rexistrou o venres 16 unha moción municipal para denunciar a situación "de auténtica vergoña" que sofren as familias do edificio de Vivendas de Promoción Pública (VPP) situado na Rúa Telleiras № 3 no barrio de Xuvia. O inmoble, cuxo promotor é o Instituto Galego da Vivenda e Solo (IGVS), presenta un estado de abandono que se tornou nun "pesadelo" para os seus residentes. A moción foi precedida dunha visita ao edificio co presidente da comunidade de veciños, José López, e onde coñecimos de primeira man a situación dos veciños e veciñas.
O Grupo Municipal do BNG no Concello de Narón denuncia publicamente que o goberno de Terra Galega (TEGA), coa abstención e o apoio tácito do Partido Popular (PP), pretende aprobar no Pleno Ordinario do próximo xoves a continuidade da xestión privada do ciclo integral da auga no concello. Esta decisión, formalizada no punto 5 da orde do día, supón a aprobación da "xestión indirecta mediante un contrato de concesión de servizos" que substituirá a actual concesionaria, COSMA S.A., cando o seu contrato expire en xuño de 2027.
A portavoz municipal do BNG de Narón, Olaia Ledo, e a Deputada Provincial do BNG, Cristina García, visitaron a Estrada de Baltar, que une a Estrada de Valdoviño co Convento de Baltar, na parroquia do Val.
Desde o Grupo Municipal do BNG de Narón vimos de rexistrar unha moción para o Pleno municipal de Setembro co obxectivo de que o concello conte cunha oficina propia do Servizo Público de Emprego Estatal (SEPE). A iniciativa xorde da "saturación evidente" que sofre a oficina do SEPE en Esteiro, unha situación agravada polo mal remate dunhas obras que van obrigar o seu traslado ao edifcio de Correos da cidade.
