Reclamamos que o concello inicie os procedementos e acreditación do CIM de Narón mediante a solicitude á Xunta de Galiza para poder telo canto antes. As nacionalistas reclamamos que coa creación da Mesa interinstitucional de Xénero na localidade, a necesidade dun CIM é máis que evidente.
Solicitámoslle ao goberno municipal a adhesión do concello de Narón ao centro de transformación agroalimentaria intermunicipal e de xestión pública que hai na comarca, a Fusquenlla en Moeche.
Consideramos que o que presenta o goberno como III Plan de Igualdade chega moi tarde nesta lexislatura e condiciona a vindeira. Ademais, reclamamos máis transparencia no proceso do que descoñecemos as conclusións. Consideramos o Plan presentado como un punto de inicio para elaborar unha estratexia válida e concluínte pero no que falta información que pedimos por rexistro e non nos foi facilitada nin tan sequera para o pleno. Este plan é propaganda como o é que estea na cartelería do concello desde hai máis dun ano sen existir tal plan
Os bombeiros de Narón reclaman que se revisen os puntos que lles corresponden pola relación dos postos de traballo e a valoración dos mesmos, xa que moitas das condicións que se lles esixen para poder acceder a este posto non as teñen recoñecidas.
Levamos dúas mocións a pleno: a que reclama un modelo eólico, xusto e en beneficio da veciñanza de Narón e outra posicionándonos en contra de peaxes das autovías que anunciou o estado no seo da UE.
