Reclamamos un plan especial para a Estrada de Castela e plans específicos para os barrios e parroquias e facemos fincapé na cementeira de Castro e nun depósito de refugallos situado na parroquia de Pedroso que o PXOM cualifica de “infraestrutura”.
Carta aberta de Olaia Ledo Díaz, portavoz municipal do BNG de Narón
Presentamos unha moción no pleno para frear o prezo dos alugueiros, facilitar o acceso á vivenda social en Narón, e iniciar un plan para a mocidade.Ademais desta moción, no BNG iniciamos unha campaña, continuada no tempo, para informar dos problemas de acceso á vivenda na nosa cidade e das políticas transformadoras que propomos para que o dereitos a unha vivenda digna sexa unha realidade para todos e todas.
Reunímonos coas ANPAS de diferentes CEIPS e o CPI O Feal por mor da situación que viven na xestión dos almorzos. Na reunión, ademais da portavoz municipal Olaia Ledo e a responsábel local Marta Grandal, estiveron os deputados Mon Fernández e Xosé Manuel Golpe comprometéndose a levar o tema ao parlamento galego. No BNG consideramos necesario que o concello inicie os traballos e dote o orzamento necesario para asumir o servizo mentres a Xunta non o faga.
O bloque presentou por rexistro as súas propostas hai meses para abrir un prazo para o diálogo que nunca se deu por parte do goberno. Preocúpanos que o goberno en minoría de Terra Galega traballe “sen rumbo” e sen entender a importancia da negociación para ter uns orzamentos que xa van con retraso.
Xa podes acceder ao noso programa dándolle ao seguinte enlace:
https://naron.opennemas.com/media/naron/files/2023/05/13/PROGRAMA%20ELEITORAL%202023%20NAROM%20redes.pdf
As choivas do inverno produciron un corremento de terras na zona do Muíño das Aceas nun lugar que precisa intervención urxente. O Concello propietario do inmoble, a partir dunha moción do BNG aprobada en pleno, non ten aínda un proxecto de recuperación do mesmo. O concello non é quen de xestionar con outras administracións para porlle solucións e, a 40 días das eleccións, anuncian un proxecto para o muiño cando nin tan sequera teñen o Muíño de Xuvia co museo que lle corresponde.
A candidatura do BNG está dotada de experiencia municipal, capacidade e práctica no eido laboral e no movemento asociativo da cidade de Narón. Presentamos publicamente a listaxe de persoas que integran a candidatura para as eleccións do 28M que, en palabras de Olaia Ledo, vindeira alcaldesa, conforman “un equipo preparado para gobernar". “Son persoas co corazón en Narón e capacidade, formación e compromiso para xestionar os retos do noso concello, cun proxecto claro e transformador. Con ilusión e traballo poremos os servizos sociais, a igualdade, a cultura, o emprego, o deporte, o ecoloxismo, integrar rural e urbano e o espazo público, como bens de primeira necesidade”, indicou.
Vídeo que se estreou o día da presentación de Olaia Ledo como candidata, coa participación de Ana Pontón e ao que acudiron centos de naronesas e naroneses. Unídevos a ilusión e ao BNG, o proxecto que precisa #Narón
O BNG de Narón realizou unha asemblea local este xoves 19 de Novembro ás oito do serán do que saíu aprobada o primeiro tramo da candidatura co que concorrerán ás eleccións municipais de maio. Estamos preparadas e preparados para gobernar e por iso damos un paso ao fronte.
No pleno municipal de setembro, desde o pediu a través dun rogo á alcaldesa unha alternativa cando se iniciasen as obras do novo aparcadoiro para a xente que tivese que aparcar ao chegar ao novo centro de saúde poida seguir a facelo. A nosa proposta é acordar coa urbanización “as torres” para que durante o día se poida aparcar alí se tes que acudir ao PAC de Narón.
O título de Conde de Fenosa creado polo dicatador Franco foi retirado no seu artigo 41 pola lei de memoria democrática o 21 de outubro de 2022. Descoñecemos o procedemnto do concello para o nomeamento mais si que Narón debera recuperar topónimos e microtopónimos orixinais dos lugares; non nomear a represores no seu rueiro.
No BNG denunciamos que o proxecto de derrubamento aprobado polo goberno cun modificado de crédito vén sen un proxecto posterior de uso cando o concello prometera nas últimas elección municipais unha piscina terapéutica. Desde o BNG tememos que seguirán sen proxecto “máis alá de vender fume” cando toque campaña electoral no 2023. Tamén preocúpalles o elevado gasto de derrubamento.
No BNG de Narón visitamos a contorna do muíño de Xuvia este xoves 28 ao remate dun pleno onde fixemos pregunta á alcaldesa para que explicase se pensa inaugurar o Muíño de Xuvia sen poder funcionar a moenda a pesar de restaurar os artiluxios fabrís do propio muíño. A resposta da alcaldesa foi afirmativa mais, ante a información por parte da empresa adxudicataria e a revisión dos pregos do proxecto de rehabilitación polo BNG sabemos que minte e por iso denunciamos a imposibilidade de que sexa así pola cantidade de lodos que “taponan” o movemento natural dun muíño de río como neste caso o de Xuvia.
