Narón

O BNG vén de reunirse no parlamento con diferentes sectores do sistema educativo e cunha reunión presencial coas diferentes federacións de ANPAS públicas para preocuparse e reclamar medidas acaídas para un inicio de volta ás aulas SEGURO. No BNG de Narón, através do noso grupo municipal tamén fixemos o noso traballo solicitando, máis unha vez, información ao concello e reclamando diferentes cousas. O grupo de goberno púxose en contacto con nós e dixo que ía valorar as ideas e informarnos nos vindeiros días. Desde o BNG consideramos que deberíamos facer unha declaración institucional pola demora en información da Xunta de Galiza que non se vai dar até setembro e presumíbelmente até o día 7 (cando comezan as aulas o 10), ou unha rolda entre todos os grupo municipais con presenza dos seus voceiros/as para enfatizar a situación na que se atopan moitas familias do noso concello. Ademais, pedimos que o concello apoie as posíbeis mobilizacións que se barallan antes do inicio do curso.

No pleno extraordinario de Narón aprobouse a normativa para as taxas deportivas axeitándoas, como debe de ser, aos tempos do Covid. Estamos dacordo e vemos lóxico que se faga.

Ademais  desde o grupo municipal do BNG de Narón vimos necesario solicitar outras taxas para usos de instalacións municipais de entidades e asociacións máis económicas e que permitan que, no noso concello, o asociacionismo medre e axude a ter unha cidade dinámica e se fagan actividades que sexan punto de encontro para toda a veciñanza.

A situación do camiño inglés e de san andrés de Teixido ao seu paso por Xuvia e o Couto en Narón atópase con escombros, sen accesibilidadade, cartelería rota, un muíño das Aceñas en estado ruinoso e co tellado caído e, ademais, con zonas sen valar con fendas en pasos e pontes “na que pode caer perfectamente desde un neno a unha persoa adulta directamente á ría desde unha altura de metros, calquer día temos unha desgraza en Narón se non o solucionamos” indica Marta Grandal, responsábel local do BNG de Narón.

O BNG de Narón vén de falar con diferentes axentes e persoas a título individual que manifestan o temor de saír á rúa nas zonas urbanas da cidade en condicións de seguridade pola masificación dos espazos en determinadas franxas horarias. Esixen unha cidade onde o espazo público sexa un ben de primeira necesidade e o benestar das persoas o centro.

30 de Abril de 2020. Falamos de medidas sociais e fiscais necesarias para saír da crise sanitaria e afrontar da mellor maneira posíbel a crise económica que temos ás portas, e que algúns xa están a vivir: ERTES, despidos, reduccións de xornadas laborais... Lembremos que o noso país, e o noso concello dentro del, é un país moi productivo que ten moitos sectores laborais, o sector do mar (do que tamén falamos neste pasado pleno), sector agro gandeiro, tecido industrial moi variado, etc..

O Concello está a tomar medidas, moitas delas propostas polo BNG dende o inicio da pandemia, dentro das súas competencias, medidas sociais e fiscais para axudar á veciñanza; pero tamén anuncia outras que quedan moi ben na portada do xornal, pero que non son competencia do Concello, se nón do Goberno da Xunta, e que son un parche que non vai axudar a que os negocios teñan que pechar as súas portas.

A enmenda do BNG ao Regulamento de Participación Cidadá de Narón, no que se pedía que a cidadanía puidera intervir nas mocións políticas, non sae aprobada pola mínima nun pleno realizado virtualmente e onde non puido participar a poboación.

Hoxe en Narón fíxose un pleno atípico debido ao estado de alarma. Foi telemático e non aberto á cidadanía e por iso desde o BNG “queremos agradecer que fose posible grazas ao traballo do persoal do concello, desde secretaría e intervención pasando polas persoas informáticas pero salientamos que é incomprensible que se incluíra a aprobación definitiva do Regulamento de Participación Cidadá xusto nun pleno no que non pode participar ou asistir a poboación. É por iso que tamén presentamos unha enmenda para que todas as persoas poidan participar nos plenos en calquera moción política e que conste en acta, algo que se pode facer por exemplo en Ferrol pero non en Narón”.  Indica Olaia Ledo, portavoz do BNG. Un dato curioso da situación é que o PSOE que leva esa área no concello dividiu a votación: o seu voceiro votou a favor da moción, a concelleira de participación en contra e o outro concelleiro en contra aclarando que estaba dacordo. A votación ficou finalmente con 9 votos a favor de incluír a moción e 11 en contra. “A participación cidadá seguirá a ser escasa nos plenos municipais , o lugar onde todas temos que sentirnos representadas, sen despotismos“ indica Geno Carballeira, concelleiro do BNG que interviu no pleno neste punto.

O BNG de Narón vese na obriga de absterse na votación do POS pola falta de información do goberno até hoxe dez minutos antes do inicio do Pleno. O mesmo aconteceu cos acordos relativos ao processo de saneamento.

Esta mañá tivo lugar o último pleno de Narón e a única moción presentada foi aprobada coas únicas abstencións do PP. O colectivo Avante Ferrolterra interveu no pleno para visibilizar a súa loita e a situación que teñen que vivir no día a días as persoas do colectivo.

“Foi un día importante para Narón” declara Olaia Ledo, voceira do BNG “de cumprirse o aprobado no pleno, o 2020 xa será un pouco mellor que o 2019 na loita por unha igualdade real para todas as persoas. As administracións temos a obriga de lexislar, traballar, colaborar e escoitar para avanzar na visibilidade da sociedade diversa que xa somos de facto”. Desde o BNG somos conscientes de que a moción é só un paso e que os verdadeiros cambios virán nas accións do día a día, no recoñecemento das múltiples identidades.

Nel márcanse puntos como a formación do persoal traballador, cursos, palestras e obradoiros específicos nos centros de ensino, instar á Xunta por una nova lei de identidad de xénero, dotar as bibliotecas e locais socias de material audiovisual e libros de temática LGBT+ ou realización dun congreso interdisciplinar en colaboración coa Universidade da Coruña no que se presente o traballo dos equipos de investigación, convertido a Narón en referente e exemplo en materia LGTB+