O estado no que se atopa o Centro Manuela Pérez Sequeiros é vergoñento, un referente como Centro Sociocomunitario con un Centro de Día Integrado e que ofrece moitísimas actividades a todos os rangos de idade pero cheo de pingueiras, humidades, desconchados na fachada, etc...
Desde o BNG consideramos inaceptábel o nivel de deixadez e abandono no que atopamos o patrimonio e as rutas turísticas do noso Concello, que forman parte principal do turismo pola súa beleza paisaxística e a súa historia..
A Herba da Pampa é moi difícil de erradicar pero non se debe de facer algo por non poder facer todo. É preciso unha campaña de concienciación para que vaia desaparecendo de xardíns particulares e para que as propias administracións actúen e eviten a dispersión das sementes, arrincando as que sexan posibles (arrincar unha vez e volver facelo) .
A Herba da Pampa é moi difícil de erradicar pero non se debe de facer algo por non poder facer todo. É preciso unha campaña de concienciación para que vaia desaparecendo de xardíns particulares e para que as propias administracións actúen e eviten a dispersión das sementes, arrincando as que sexan posibles (arrincar unha vez e volver facelo) .
O BNG de Narón realizou unha acción en diferentes zonas do Concello de Narón que contou coa participación de ADEGA e onde decenas de persoas colocáronse en grupos para poder limpar a beira da ría ao seu paso polo concello e denunciar o estado de abandono do patrimonio nunha zona que conta, ao seu paso, co camiño de Santiago e o de San André de Teixido. O deputado Mon Fernández acompañou á asemblea do BNG e realizou a ruta co grupo municipal.
Defender o noso patrimonio, facer rutas seguras é cousa de todos. A beira do río Xuvia pode estar acondicionada e contar con fondos europeos mais para iso precisa que se mire e se traballe por esta contorna.
O BNG vén de reunirse no parlamento con diferentes sectores do sistema educativo e cunha reunión presencial coas diferentes federacións de ANPAS públicas para preocuparse e reclamar medidas acaídas para un inicio de volta ás aulas SEGURO. No BNG de Narón, através do noso grupo municipal tamén fixemos o noso traballo solicitando, máis unha vez, información ao concello e reclamando diferentes cousas. O grupo de goberno púxose en contacto con nós e dixo que ía valorar as ideas e informarnos nos vindeiros días. Desde o BNG consideramos que deberíamos facer unha declaración institucional pola demora en información da Xunta de Galiza que non se vai dar até setembro e presumíbelmente até o día 7 (cando comezan as aulas o 10), ou unha rolda entre todos os grupo municipais con presenza dos seus voceiros/as para enfatizar a situación na que se atopan moitas familias do noso concello. Ademais, pedimos que o concello apoie as posíbeis mobilizacións que se barallan antes do inicio do curso.
No pleno extraordinario de Narón aprobouse a normativa para as taxas deportivas axeitándoas, como debe de ser, aos tempos do Covid. Estamos dacordo e vemos lóxico que se faga.
Ademais desde o grupo municipal do BNG de Narón vimos necesario solicitar outras taxas para usos de instalacións municipais de entidades e asociacións máis económicas e que permitan que, no noso concello, o asociacionismo medre e axude a ter unha cidade dinámica e se fagan actividades que sexan punto de encontro para toda a veciñanza.
A situación do camiño inglés e de san andrés de Teixido ao seu paso por Xuvia e o Couto en Narón atópase con escombros, sen accesibilidadade, cartelería rota, un muíño das Aceñas en estado ruinoso e co tellado caído e, ademais, con zonas sen valar con fendas en pasos e pontes “na que pode caer perfectamente desde un neno a unha persoa adulta directamente á ría desde unha altura de metros, calquer día temos unha desgraza en Narón se non o solucionamos” indica Marta Grandal, responsábel local do BNG de Narón.
Mércores 8 de xullo do 2020. O BNG estivo hoxe á mañá desde as 11h na praza da Gándara nun acto aberto con colectivos de mulleres desde o ámbito do deporte, pasando pola administración, sanidade ou representantes institucionais para poñer as políticas de igualdade na primeira liña do debate.
Arroupada pola reponsábel local da formación, Marta Grandal e a voceira municipal de Narón, Olaia Ledo, a naronesa e activista feminista Xiana preséntase na candidatura que encabeza Ana Pontón “con moita ilusión para que unha nova Galiza teña lugar e a mocidade poida ser motor dese cambio”. O venres 26 farán un acto onde interveña no paseo de Xuvia acompañada por Ana Pontón e Mini RIvas ás 20:30.
Un ano desde que os nosos concelleiros, Olaia Ledo e Geno Carballeira prometeran defender ao pobo de Narón. Un ano no que pasaron moitas cousas e onde desde o BNG traballamos cada día para que Narón e Galiza sexan mellores. Facémolo sen prevendas e para transformar, como escribía Castelao, os anceios en realidades e as realidades en feitos.
