Presentamos agora en febreiro, para o seu debate en pleno, dúas mocións nas que instamos ao goberno municipal á recuperación das fontes e lavadoiros do territorio do concello e á unha senda na contorna do Río Xuvia ao seu paso por Pedroso, Doso e Xuvia que substitúa a actual. Unha senda accesíbel.

Os problemas de firme da calzada e accesibilidade á estación de tren de Xuvia son unha evidencia son con achegarte á zona. Agora este tramo de calzada dependente do estado van ao congreso grazas ao BNG. No BNG de Narón reclamamos solucións e respostas a unha demanda veciñal na que a AV Altea de Xuvia ten solicitado en diferentes consellos territoriais e mesmo por escrito. Se o concello non chega ou dalle igual nós temos claro que non e faremos todo o que estea na nosa man para que os nosos barrios e parroquias teñan vida, un plan de mobilidade axeitado e sexan entornos amábeis para vivir.

Desde o BNG de Narón queremos denunciar a deixadez e falta de capacidade do Concello de Narón para solucionar os problemas indicados reiteradamente polo BNG desde hai meses na Ruta dos Muíños de Xuvia. Tamén mostramos a nosa preocupación polos reiterados intentos desde o concello de tapar as diferentes eivas con simple propaganda.