Novas

Reclamamos en pleno unha proposta negociada que permita o adianto de pago de subvencións para as asociacións e entidades que o precisen.

Presentamos unha moción no pleno para frear o prezo dos alugueiros, facilitar o acceso á vivenda social en Narón, e iniciar un plan para a mocidade.Ademais desta moción, no BNG iniciamos unha campaña, continuada no tempo, para informar dos problemas de acceso á vivenda na nosa cidade e das políticas transformadoras que propomos para que o dereitos a unha vivenda digna sexa unha realidade para todos e todas.

Reunímonos coas ANPAS de diferentes CEIPS e o CPI O Feal por mor da situación que viven na xestión dos almorzos. Na reunión, ademais da portavoz municipal Olaia Ledo e a responsábel local Marta Grandal, estiveron os deputados Mon Fernández e Xosé Manuel Golpe comprometéndose a levar o tema ao parlamento galego. No BNG consideramos necesario que o concello inicie os traballos e dote o orzamento necesario para asumir o servizo mentres a Xunta non o faga.

Comprometémonos coas ANPAs de Narón a que a Xunta xestione o servizo de madrugadores e xantares para garantir o acceso ao servizos a todos os centro e que, de maneira paulatina, aténdase a xestión pública directa desde a administración galega.

O bloque presentou por rexistro as súas propostas hai meses para abrir un prazo para o diálogo que nunca se deu por parte do goberno. Preocúpanos que o goberno en minoría de Terra Galega traballe “sen rumbo” e sen entender a importancia da negociación para ter uns orzamentos que xa van con retraso.

O venres 8 de setembro,  a tres días do inicio do curso escolar, as familias usuarias do CRA de Narón en Sedes, foron informadas desde o concello que este curso non cubriría o servizo de taxis como transporte á escola. A escola de Sedes, con máis de cen anos de historia ve perigar un servizo fundamental para que a matrícula e a escola sega aberta.

A pasada fin de semana realizamos unha asemblea local para renovar os cargos do consello no local social de Doso. Alí, aprobouse por unanimidade a renovación do consello local e marcámonos como obxectivos seguir a medrar a organización e a tendencia a alza nas eleccións mellorando os resultados para as vindeiras municipais.