Dende o BNG de Narón sabemos que son moitas as propostas para as parroquias e a súa mellora nun modelo que integre rural e urbano, pero tamén somos conscientes de que rara vez son escoitadas salvo cando se fai presión. A última do concello sorprendeunos tres veces (unha por cada nota de "imos intalar, estamos instalando, xa instamos" porque consideramos “Doso” unha parroquia esquecida, unha parroquia na que o BNG gañou as eleccións nas municipais como organización máis votada é da que é orixinario o noso concelleiro Geno Carballeira. O que fora presidente da asociación veciñal de Doso, Geno Carballeira declara “Todo investimento posible en Doso ou en calquera parroquia do rural de Narón debe ser reclamado e benvido é cando chega . En todo caso queda un sabor agridoce ao ver como unha e outra vez se publican por parte do concello as mesmas novas de investimentos (que case no 100% das ocasións están cofinanciados pola Deputación) como grandes logros cando son sólo unha minúscula parte do que o BNG lles propuxemos de mínimo para poder cogobernar e volvemos a propoñer cando temos ocasión. Nos seguiremos mellorando e propoñendo os nosos grandes plans que ademáis de cubrir os servizos básicos (moi deficientes ou inexistentes en Doso) impulsen o retorno e explotación sostible e rendible do rural. En definitiva, á espera de poder celebrar cousas coma un paseo maritimo-fluvial referente no país ou o alcance do saneamento á práctica totalidade das persoas celebraremos cambios de bombillas nas nosas parroquias”