O BNG vén de reunirse no parlamento con diferentes sectores do sistema educativo e cunha reunión presencial coas diferentes federacións de ANPAS públicas para preocuparse e reclamar medidas acaídas para un inicio de volta ás aulas SEGURO. No BNG de Narón, através do noso grupo municipal tamén fixemos o noso traballo solicitando, máis unha vez, información ao concello e reclamando diferentes cousas. O grupo de goberno púxose en contacto con nós e dixo que ía valorar as ideas e informarnos nos vindeiros días. Desde o BNG consideramos que deberíamos facer unha declaración institucional pola demora en información da Xunta de Galiza que non se vai dar até setembro e presumíbelmente até o día 7 (cando comezan as aulas o 10), ou unha rolda entre todos os grupo municipais con presenza dos seus voceiros/as para enfatizar a situación na que se atopan moitas familias do noso concello. Ademais, pedimos que o concello apoie as posíbeis mobilizacións que se barallan antes do inicio do curso.

 

 

O concello de Narón anuncia que estudará as medidas presentadas polo BNG nun pleno virtual por mor do estado de alarma.

 

O BNG de Narón presentou unha batería de medidas para incluír no traballo do Concello ao que angadiu unha máis das presentadas esta semana na que se pedía que o concello de Narón facilitara residencia e hoteis para o persoal traballador do concello que conviven con persoas de risco polo virus e que estean expostos polo seu traballo como pode ser a policía local, o servizo de voluntariado ou o SPEIS. As medidas inclúen desde protocolos para a violencia machista, as persoas sen fogar ou medidas fiscais para empresas e particulares. “Todas elas estanse a presentar desde a seriedade e desde o estudo do gabinete de crise que no BNG temos con persoas expertas en cada tema, son factibles xa que de feito concellos como Pontevedra, Allariz ou Tomiño por citar tres exemplos estanas a levar a cabo na súa totalidade” indica Olaia Ledo, portavoz municipal do BNG de Narón

 

Desde o BNG de Narón queremos aportar e facer propostas positivas que melloran a vida de todas e todos, para elo articulamos un gabinete de crise e comunicación para  e estar da man do Concello de Narón no que precisen. Se nun primeiro momento solicitamos o servizo de voluntariado que está a funcionar no Concello ou solicitar mediante declaración institucional que os Concellos poidan facer uso dos seus remanentes para todo tipo de investimentos necesarios unha vez pasado o estado de alarma é agora cando o  grupo municipal do Bloque Nacionalista Galego de Narón, ao abeiro do Regulamento orgánico municipal, presenta as seguintes medidas para seren tidas en conta desde a corporación e grupo de goberno e que axuden coas xa implementadas e, así, que a veciñanza de Narón poida estar nas súas vivendas nas mellores condicións e cubrir as necesidades de persoas e grupos vulnerábeis. As medidas divídense en:  sociais, recollida lixo, fiscais e de información e comunicación

Desde o BNG de Narón queremos aportar e facer propostas positivas que melloran a vida de todas e todos, para elo articulamos un gabinete de crise e comunicación para  e estar da man do Concello de Narón no que precisen. Se nun primeiro momento solicitamos o servizo de voluntariado que está a funcionar no Concello ou solicitar mediante declaración institucional que os Concellos poidan facer uso dos seus remanentes para todo tipo de investimentos necesarios unha vez pasado o estado de alarma é agora cando o  grupo municipal do Bloque Nacionalista Galego de Narón, ao abeiro do Regulamento orgánico municipal, presenta as seguintes medidas para seren tidas en conta desde a corporación e grupo de goberno e que axuden coas xa implementadas e, así, que a veciñanza de Narón poida estar nas súas vivendas nas mellores condicións e cubrir as necesidades de persoas e grupos vulnerábeis. As medidas divídense en:  sociais, recollida lixo, fiscais e de información e comunicación