BNG de Narón :: Últimas novas

NON ao macromodificado de crédito de 8,2 millóns de euros

BNG de Narón — Fri, 29 May 2026 10:59:57 +0200

O goberno de TeGa en Narón pretenden aprobar un “orzamento oculto” de 8,2 millóns de euros con présas e sen marxe de tempo para poder estudar a proposta. Unha "temeridade" que demostra a nula intención de presentar sequera un proxecto de orzamentos.

Denunciamos o "abandono e desleixo" do goberno local co tecido asociativo da cidade

BNG de Narón — Thu, 14 May 2026 11:17:32 +0200

Presentamos unha moción para esixir a convocatoria inmediata das subvencións de concorrencia competitiva de 2026 e medidas de compensación polas axudas que o Concello deixou morrer o ano pasado.

INICIAMOS UN NOVO REQUERIMENTO PARA PARALIZAR A LICITACIÓN DO SERVIZO DA XESTIÓN DO CICLO INTEGRAL DA AUGA MENTRAS NON HAXA GARANTÍAS FINANCEIRAS NIN TÉCNICAS

BNG de Narón — Wed, 6 May 2026 11:11:23 +0200

Presentamos un novo requirimento oficial ante o Concello para manifestar a nosa oposición fronte ao avance da licitación do ciclo integral da auga. Esta decisión chega tras recibir unha certificación de urxencia do acordo plenario do pasado 30 de abril, remitida polo Goberno local antes sequera de que a acta fose aprobada, nun claro intento de acelerar os trámites a calquera prezo cando non existe un aval firme sobre a sustentabilidade financeira do proxecto.

ESIXIMOS RESPONSABILIDADES AO CONCELLO POLA INTOXICACIÓN ALIMENTARIA NO MANUELA PÉREZ SEQUEIROS

BNG de Narón — Thu, 5 Mar 2026 13:19:32 +0100

Desde o grupo municipal do BNG de Narón queremos facer pública a nosa profunda preocupación e total apoio ás familias afectadas polo grave episodio de intoxicación alimentaria acontecido tras a xornada do Club de Debate "Alingua" o pasado martes 3 de marzo e que afectou tamén a persoas usuarias do centro de día. Tras escoitar as denuncias de FEANPAS e de familias que se achegaron para informarnos, esiximos ao goberno municipal unha actuación inmediata e contundente.

Geno Carballeira, candidato á alcaldía por Narón para as municipais de 2027

BNG de Narón — Sat, 28 Feb 2026 13:44:31 +0100

O 28 de febreiro de hai dez anos escollimos unha dirección nacional do BNG encabezada por Ana Pontón que nos deu moitas alegrías. E hoxe, dez anos despois, tivemos a nosa asemblea local para escoller ao noso vindeiro candidato nas eleccións municipais en Narón. Geno Carballeira, concelleiro actualmente polo BNG desde hai sete anos, dá o paso despois de ser escollido por unanimidade nun encontro onde a ilusión e as ganas de levar a Narón con rumbo certo rebosaron no Muíño de Xuvia.

Solicitamos con urxencia ao Concello axilizar os convenios coas entidades e reclamamos á Xunta un financiamento xusto para o SAF

BNG de Narón — Mon, 23 Feb 2026 12:42:56 +0100

Rexistramos dúas mocións para o seu debate no vindeiro Pleno. Buscamos dar estabilidade ao tecido asociativo da cidade e garantir a calidade dun servizo esencial como é a Axuda no Fogar.

Presentamos un requerimento para paralizar a privatización da xestión da auga en Narón ante a "incerteza financieira" e a falta de informes técnicos

BNG de Narón — Mon, 2 Feb 2026 14:25:27 +0100

Desde o Grupo Municipal do Bloque Nacionalista Galego (BNG) presentamos un requirimento de emenda ao expediente CON/2025/42 relativo á xestión do Ciclo Integral da Auga. Esta medida chega tras a aprobación en sesión plenaria —cos votos do goberno e o apoio do PP— da modalidade de xestión indirecta (privada) para os vindeiros anos.

Propoñemos unha xestión 100% pública da auga tras o fin da concesión de COSMA en 2027

BNG de Narón — Wed, 17 Dec 2025 13:28:01 +0100

Presentamos unha moción para o seu debate no pleno de Decembro na que instamos ao Goberno municipal a rexeitar a privatización do servizo de auga e apostar por un modelo de xestión directa 100% pública.

O vindeiro 11 de xuño de 2027 finaliza o contrato actual coa empresa mixta COSMA S.A., o que supón unha "oportunidade histórica e ineludible" para que o Concello recupere o control total sobre este ben esencial.

Instamos á Xunta de Galiza ao arranxo das deficiencias estruturais do IES Terra de Trasancos.

BNG de Narón — Wed, 19 Nov 2025 14:32:45 +0100

Presentamos unha moción para o seu debate no pleno de Novembro, onde solicitamos ao goberno municipal que inste á Xunta de Galiza á reparación de distintas eivas que presenta o edificio do IES Terra de Trasancos, un dos institutos de Narón, ao consideralas de “carácter maior”.

Olaia Ledo anuncia que non será cabeza de lista en Narón nas vindeiras municipais.

BNG de Narón — Fri, 24 Oct 2025 12:50:09 +0200

A nosa portavoz municipal, Olaia Ledo, anuncia en rolda de prensa de que non continuará como cabeza de cartel nas municipais de 2027. A decisión “moi reflexioanada” e posta en coñecemento en asemblea abre un proceso de escolla de candidato/a. Olaia Ledo, ademais de ser portavoz municipal é membro da Executiva Nacional do BNG onde é a coordinadora de Ecoloxismo.

CONSEGUIMOS QUE SE CUMPRA COA BONIFICACIÓN DO IBI QUE SE APROBOU A INSTANCIAS DO BNG

BNG de Narón — Thu, 16 Oct 2025 09:57:19 +0200

En novembro do 2024 aprobouse por unanimidade unha moción nosa para a bonificación do 50 % no IBI ás vivendas con sistemas de aproveitamento fotovoltaico. Isto non fora recollido como debían dado o carácter vinculante e obrigatorio da moción mais, despois de reclamar (de novo) conseguimos que se atenda esta demanda e se dispña xa dos cartos necesarios para efectivizala.

Visita da Deputada Provincial, Cris García, e da nosa portavoz municipal, Olaia Ledo, ao Val

BNG de Narón — Fri, 3 Oct 2025 12:12:44 +0200

A portavoz municipal do BNG de Narón, Olaia Ledo, e a Deputada Provincial do BNG, Cristina García, visitaron a Estrada de Baltar, que une a Estrada de Valdoviño co Convento de Baltar, na parroquia do Val.

Indignación pola desidia que presenta a Xunta de Galiza ante o abandono da Estrada de Cedeira, que é da súa titularidade

BNG de Narón — Fri, 5 Sep 2025 14:40:38 +0200

É vergoñento o estado no que se atopa a Estrada de Cedeira e inadmisíbel o pasotismo da Xunta de Galiza ante o estado de abandono da mesma.

Denunciamos a gravidade dos recortes no Servizo de Axuda no Fogar

BNG de Narón — Wed, 3 Sep 2025 11:40:50 +0200

Levamos unha moción ao pleno municipal de setembro denunciando a precariedade do SAF (Servizo de Axuda no Fogar)

Denunciamos os recortes da Xunta de Galiza no ensino público e que afectan a varios centros de Narón.

BNG de Narón — Tue, 22 Jul 2025 13:37:39 +0200

Recortes nos centros de ensino público que afectan aos Ceip´s Virxe do Mar, A Gándara e A Solaina.

COMUNICADO BNG DE NARÓN

BNG de Narón — Thu, 19 Jun 2025 09:20:57 +0200

COMUNICADO BNG DE NARÓN A RESPECTO DAS DECLARACIÓNS DE TERRA GALEGA SOBRE AS AXUDAS A DEPORTISTAS INDIVIDUAIS

APOIO DO BNG ÁS REIVINDICACIÓNS DA ANPA DO CEIP DA GÁNDARA

BNG de Narón — Fri, 30 May 2025 20:35:33 +0200

O BNG CUALIFICA DE TEMERARIA A PROPOSTA DA XUNTA PARA DEMORAR O INICIO DAS OBRAS AO VERÁN DO 2026

Preocúpanos o mal estado do Pavillón da Gándara

BNG de Narón — Wed, 14 May 2025 14:36:21 +0200

Preocúpanos o mal estado do pavillón municipal da Gándara. No inverno había pingueiras nas instalacións que foron denunciadas no pleno por este grupo político, sendo a partires dese momento cando desapareceron os caldeiros das instalacións polo...

Presentamos máis dunha decena de propostas para seren incluídas no novo Regulamento de Participación Cidadá de Narón.

BNG de Narón — Fri, 9 May 2025 13:20:33 +0200

O concello de Narón abrira a finais de marzo un proceso de consultas sobre Participación Cidadá para que se fixesen propostas colectivas ou individuais. O proceso de consulta, rematado o luns 5 de maio, viña precedido dunha moción do noso...

Solicitamos a convocatora da Comisión especial de seguimento da praga das moscas no Val.

BNG de Narón — Wed, 9 Apr 2025 10:01:31 +0200

Reclamámoslle ao goberno municipal a convocatoria dunha reunión da Comisión especial de seguimento da situación producida polas moscas na parroquia de O Val, un ano despois da celebración da última.