BNG de Narón
Asemblea local BNG de Narón
BNG de Narón

Traballamos con ilusión por un Narón Mellor. Estamos orgullosas e orgullosos do nosos concello mais sabemos que é o momento de que deamos un paso cara adiante e que ademais de dotármonos de servizos sexamos unha cidade amábel para vivir, para estar, para quedar e para gozar dela. Queremos máis e que a xente que veña a vivir canda nós non o vexa como algo temporal se non que nos sitúe no mapa con orgullo entre as súas amizades e familiares. Como BNG non só traballamos por Narón se non que nos verás na rúa, en asembleas, nas institucións buscando a igualdade real de todas as persoas, polo benestar do pobo galego (con emprego, dereitos, servizos, transporte, coidando o medio ambiente, apostando polos sectores produtivos e o comercio de cercanía) e porque o futuro sempre sexa mellor. Soñamos e traballamos para facelo realidade. Se queres participar con nós estamos na rúa 25 de Xullo nº1, entrechán F (en fronte ao concello e ao centro de saúde). Abertos mércores, xoves e venres de 9:00 a 13:00 e de 16.00 a 18:30. Tamén nos podes atopar todos os días na oficina do grupo municipal no entrechán da casa do Concello. Podes enviarnos un correo a [email protected] ou chamarnos ao 981 383 990 para calqueira información ou cuestión . Temos unha idea clara: sumar por Narón e por Galiza

Portadas
Ledo, Regueira e Muíño

Reclamamos a apertura do Muíño de Xuvia e que se contrate unha persoa por xestión directa

Preguntamos en comisión no mes de Setembro o por que o centro de interpretación do Muíño de Xuvia seguía pechado. A resposta foi que estaban á espera de licitar cunha empresa. Agora, ao non facilitarnos máis información e ver que o Muíño segue pechado, solicitamos mediante rexistro que se faga a contratación dunha persoa por xestión directa e opte o concello ás axudas da Deputación.
Ler novas
Portadas
Ledo, Grandal e Mosquera 25N

De cara ao 25 N pedimos que se inicien os trámites para que Narón teña un Centro de Información á Muller

Levamos ao pleno municipal de outubro unha moción co galo do 25N, data marcada no calendario para a loita contra a violencia machista. Os acordos propostos da moción pasan porque a Xunta invista “o necesario” para que os CIM teñan recursos suficientes para loitar contra a violencia de xénero e que sexan espazos de convivencia e asesoramento. 
Ler novas
Portadas
SAMSUNG

Parabéns á comunidade educativa porque o transporte público á escola de Sedes xa está funcionando

Presentamos ao pleno de setembro unha moción, á que se uniron todos os grupos da oposición de Narón, para que fose recuperado o convenio de taxis que se usaban como transporte público á escola rural de Sedes. A decisión unilateral do concello a tres días do inicio do curso colleu por sorpresa á comunidade educativa, aos taxis que prestaban o servizo e a veciñanza da parroquia.

Ler novas