O 26 de maio temos a oportunidade de pasar dun Narón gris, un Narón en branco e negro a un Narón de todas as cores. Súmate á ilusión. Vota BNG. 

17 mulleres e 14 homes preparadas para liderar o cambio que Narón precisa, persoas do tecido asociativo, traballadoras de todos os sectores e de todas as idades que comprenden un Narón que quere poñer ás persoas no centro independetemente da súa condición social, económica, física ou política

Temos un obxectivo claro: construír un concello para as persoas e o seu benestar no centro de todo.

Presentamos agora un proxecto para Narón con ideas e actuacións que van desde o inmediato ata o medio prazo. Un proxecto no que Narón será o concello do que todas nos sintamos persoas orgullosas, o Narón no que todas queiramos vivir e ver medrar a nosa familia, un concello para descansar, traballar, ir de compras ou simplemente gozar. 

Narón, 8 de maio de 2019. A candidata do Bloque Nacionalista Galego á Alcaldía de Narón, Olaia Ledo, asegurou hoxe no acto de presentación da lista coa que a organización concorre ás eleccións do 26M que “estamos moi orgullosos do traballo desenvolvido estes anos polo BNG no cogoberno de Narón, mais cremos que agora é o momento de dar un paso máis, e por iso presentamos un grupo de persoas e un proxecto para ilusionar á veciñanza de Narón e para poder conquerirmos un futuro mellor”. 

Enlazamos o contido dun resumo do noso programa e mañá xa poderás descargar o contido completo e saber a nosa opinión sobre vivenda, emprego, mocidade, igualdade e loita contra o patriarcado, emprego, servizos sociais, benestar, urbanismo, turismo, patrimonio, lingua... Súmate á ilusión

Vídeo no que explicamos a situación de Poligal e outras empresas da comarca. Con Olaia Ledo, candidata do BNG de Narón á alcaldía e, Secundino García, alcalde de San Sadurniño. Toda a forza as persoas traballadoras de Poligal. 

Servizo de radioloxía, unha Unidade de Saúde Mental, máis persoal sanitario. A permanencia e mellora dos centros de saúde de Val e Pedroso e dotalos de transporte público axeitado. A loita pola mellora na sanidade é unha constante no BNG e agora en Narón toca reclamar o que nos pertence a todos e todas.

En Narón xa temos máis paro que a media da provincia. Ademais, unha comarca castigada como a nosa non pode seguir a sufrir a ausencia dun goberno galego incapaz que non traballe un plan específico para Ferrolterra. Agora , co anuncio de peche de Poligal Narón, desde o BNG ademais de rexistrar pregunta parlamentar instamos Xunta de Galiza a facer todo o posible e traballaremos e porémonos a disposición das persoas afectadas para lograr que isto non aconteza.

Traballamos cara o futuro. Somos unha equipa e temos á mellor persoa para traballar por un Narón que dea un salto cualitativo, o Narón que comparte espazo público en igualdade, de maneira inclusiva, onde os servizos estean ao carón da xente en todas as parroquias. É o momento de ser #ConcelloBNG e ser referente como xa o é Carballo, San Sadurniño, Moeche, Muras, Carnota, Bueu, Tomiño, Allariz, Pontevedra... onde o BNG ten maioría gaña o Benestar. #QueremosNarón e #Queremos Futuro. E sabemos que para transformar a realidade hai que ser valente. Vimos sen prebendas, sen deber favores, somos pobo e defendemos o que é xusto. Sumádevos, confiade en nós porque nós xa confiamos en todas e todos vós. No bloque só estamos porque defendemos este país. Agora é a quenda do BNG, é a quenda da ilusión, é a quenda de Narón.

Esta semana realizamos pregunta parlamentar para reclamar a reapertura da escola unitaria de Pedroso e participaremos no calendario de mobilizacións que están a preparar as familias afectadas
 

O pasado 27 de decembro, o pleno do Concello de Narón aprobaba, con 15 votos a favor, catro abstencións e un só voto en contra os Orzamentos de 2019. Os orzamentos máis altos da historia da que é a oitava cidade galega: 32,9 millóns de euros.

Destinar recursos a outras partidas que consideramos prioritarias é hoxe un fin con estes orzamentos: podemos facer fronte aos 850.000 euros que aportamos este ano á construción do novo centro de saúde; aumentamos en 400.000 euros a atención á dependencia (2,1 millóns, o dobre que en 2017) e subimos o capítulo de investimentos máis dun 5%,, que a diferenza do que acontecía na época de vacas gordas, acometeranse maioritariamente con fondos propios. Aquí podemos encadrar, grazas á colaboración coa Deputación e co Concello de Ferrol na xestIón dos fondos europeos (EDUSI), obras de saneamento e eficiencia enerxética, a construción dun campo de herba artificial en Río Seco ou a rehabilitación, anceiada desde hai unha década, dun dos máis grandes expoñentes do patrimonio da comarca: o Muíño de Xuvia. 

Olaia Ledo, candidata á alcaldía de Narón, explica o por qué estamos a recoller sinatura contra a estafa das eléctricas.

mellora estrutural nos centros de ensino, dotación de radioloxía no novo centro de saúde, transferencia das garderías municipais á Xunta, unha residencia de maiores pública na cidade e obras de mellora nos viais e tamén de abastacemento e sanemento no rural son algunhas das medidas que afectarían directamente á nosa cidade.