O traballo dá os seus froitos e a campaña do BNG, o boca a boca, as preguntas no parlamento e a recollida de sinaturas fan que sexa posible que unha parte das reivindicacións estean agora resoltas
O BNG de Narón continúa coa campaña para que o futuro centro de saúde, agora en construción, conte con todos os servizos que unha cidade de 40.000 habitantes precisa. Ademais, o proxecto incluíu o demandado servizo de radioloxía despois dunha gran campaña mais seguimos a pedir unha consulta de psicoloxía clínica. O bloque rexistrou pregunta parlamentar e unha proposición non de lei para que desde a Consellería se postulen de maneira oficial.
No BNG de Narón levamos recollidas máis de 600 sintauras para dotar de servizos o novo centro de saúde do que na actualidade ten as obras paradas. Aquí tedes o video de presentación de campaña. Co que estamos a dar continuidade recollendo sintauras e repartindo folletos no que informan as actuacións que pedimos.
Servizo de radioloxía, unha Unidade de Saúde Mental, máis persoal sanitario. A permanencia e mellora dos centros de saúde de Val e Pedroso e dotalos de transporte público axeitado. A loita pola mellora na sanidade é unha constante no BNG e agora en Narón toca reclamar o que nos pertence a todos e todas.
