Imprimir

O BNG presenta enmendas parciais aos orzamentos da Xunta de Galiza atendendo as necesidades de Narón

bngdenaron | 22 de novembro de 2018

trasancos
trasancos

mellora estrutural nos centros de ensino, dotación de radioloxía no novo centro de saúde, transferencia das garderías municipais á Xunta, unha residencia de maiores pública na cidade e obras de mellora nos viais e tamén de abastacemento e sanemento no rural son algunhas das medidas que afectarían directamente á nosa cidade.

O BNG de Narón traballou para incluír enmendas parciais aos orzamentos da Xunta que incluíran necesidades da nosa cidade e que o grupo parlamentar do bng xa presentou e insta ao goberno da Xunta de Galiza a telos en conta xa que son imprescindibles para Narón: mellora estrutural nos centros de ensino, dotación de radioloxía no novo centro de saúde, transferencia das garderías municipais á Xunta, unha residencia de maiores pública na cidade e obras de mellora nos viais e tamén de abastacemento e sanemento no rural. Olaia Ledo, candidata do bng de Narón ás municipais 2019, manifesta que “os centros de ensino da localidade precisan inversión e adaptación para seren inclusivos por iso é preciso non demorar máis nuns orzamentos da Xunta ese investimento ou que inclúan para o novo centro de saúde que levamos anos de espera a dotación de radioloxía para non termos un novo centro de saúde pero baleiro” ademais engade “Unha cidade de 40.000 habitantes ten que ter unha residencia de maiores pública e inclusiva ou ter partidas que garantan obras de abastecimento e saneamento no rural de Narón. Non estamos a pedir nada que non nos corresponda se non que o facemos pensando no benestar de todos e todas”. Por iso desde o BNG da localidade esíxese que se cumpra e aplique estas enmendas froito do traballo riguroso e atendendo as necesidades da localidade. 

Podes ver este artigo na próxima dirección /articulo/novas/bng-presenta-enmendas-parciais-aos-orzamentos-aten/20181122134905000717.html


© 2020 BNG de Narón

BNG de Narón