BNG de Narón
Asemblea local BNG de Narón
BNG de Narón

Traballamos con ilusión por un Narón Mellor. Estamos orgullosas e orgullosos do nosos concello mais sabemos que é o momento de que deamos un paso cara adiante e que ademais de dotármonos de servizos sexamos unha cidade amábel para vivir, para estar, para quedar e para gozar dela. Queremos máis e que a xente que veña a vivir canda nós non o vexa como algo temporal se non que nos sitúe no mapa con orgullo entre as súas amizades e familiares. Como BNG non só traballamos por Narón se non que nos verás na rúa, en asembleas, nas institucións buscando a igualdade real de todas as persoas, polo benestar do pobo galego (con emprego, dereitos, servizos, transporte, coidando o medio ambiente, apostando polos sectores produtivos e o comercio de cercanía) e porque o futuro sempre sexa mellor. Soñamos e traballamos para facelo realidade. Se queres participar con nós estamos na rúa 25 de Xullo nº1, entrechán F (en fronte ao concello e ao centro de saúde). Abertos mércores, xoves e venres de 9:00 a 13:00 e de 16.00 a 18:30. Tamén nos podes atopar todos os días na oficina do grupo municipal no entrechán da casa do Concello. Podes enviarnos un correo a naron@bng.gal ou chamarnos ao 981 383 990 para calqueira información ou cuestión . Temos unha idea clara: sumar por Narón e por Galiza

PORTADAS
O BNG de Narón leva ao pleno de maio dúas mocións arredor do ensino e da lingua de suma importancia

O BNG de Narón leva ao pleno de maio dúas mocións arredor do ensino e da lingua de suma importancia

As mocións que presenta o grupo municipal do BNG de Narón, chegaron ao pleno deste xoves cos votos xa favorábeis de PsdeG e Tega polo que resultaron tamén aprobadas definitivamente unha vez rematada a sesión. Son dúas mocións (o máximo que en Narón ten permitido cada grupo municipal por pleno e que desde o BNG parécenos insuficiente para poder debatir e achegar propostas) centradas no ensino e na defensa do galego, a nosa lingua propia. Tamén presentaron unha batería de preguntas e rogos ao final sobre mobilidade e indicacións que lle achegan desde a veciñanza para dar a coñecer estas demandas ao grupo de goberno.

Ler novas
UNKNOWN
Carta aberta á conselleira de educación

Carta aberta á conselleira de educación

Desde o BNG de Narón queremos saudala para pedirlle que atenda as necesidades do ensino público e os retos aos que nos enfrontamos desde xa. Un deles, e coa pandemia que estamos vivir aínda máis necesario, e gardar distancias de seguridade e non masificar as aulas.
Ler novas
PORTADAS
O BNG de Narón rexistra unha iniciativa municipal para ceder espazos ás persoas que saen á rúa nestes momentos. 

O BNG de Narón rexistra unha iniciativa municipal para ceder espazos ás persoas que saen á rúa nestes momentos. 

O BNG de Narón vén de falar con diferentes axentes e persoas a título individual que manifestan o temor de saír á rúa nas zonas urbanas da cidade en condicións de seguridade pola masificación dos espazos en determinadas franxas horarias. Esixen unha cidade onde o espazo público sexa un ben de primeira necesidade e o benestar das persoas o centro.

Ler novas
PORTADAS
 medidas presentadas e aprobadas do BNG en abril 2020

medidas presentadas e aprobadas do BNG en abril 2020

30 de Abril de 2020. Falamos de medidas sociais e fiscais necesarias para saír da crise sanitaria e afrontar da mellor maneira posíbel a crise económica que temos ás portas, e que algúns xa están a vivir: ERTES, despidos, reduccións de xornadas laborais... Lembremos que o noso país, e o noso concello dentro del, é un país moi productivo que ten moitos sectores laborais, o sector do mar (do que tamén falamos neste pasado pleno), sector agro gandeiro, tecido industrial moi variado, etc..

O Concello está a tomar medidas, moitas delas propostas polo BNG dende o inicio da pandemia, dentro das súas competencias, medidas sociais e fiscais para axudar á veciñanza; pero tamén anuncia outras que quedan moi ben na portada do xornal, pero que non son competencia do Concello, se nón do Goberno da Xunta, e que son un parche que non vai axudar a que os negocios teñan que pechar as súas portas.

Ler novas
UNKNOWN
O BNG de Narón segue a plantexar melloras ao Goberno Municipal para paliar a crise sanitaria do COVID-19

O BNG de Narón segue a plantexar melloras ao Goberno Municipal para paliar a crise sanitaria do COVID-19

O próximo xoves día 30 celébrase o Pleno ordinario no Concello de Narón, onde o BNG presenta dúas mocións, unha relacionada co sector do mar, sector que traballa na nosa ría e se atopa nun estado de precariedade grave, e outra facendo fincapé e ampliando as medidas sociais e fiscais nas que, dende o primeiro momento no que se decretou o estado de alarma, estamos a traballar e xa se lle presentaron ao Grupo de Goberno porque nos parecen moi urxentes para axudar á nosa veciñanza a paliar da mellor maneira posíbel esta crise sanitaria que estamos vivindo, e a crise económica e social provocada pola mesma.
Ler novas
PORTADAS
As medidas propostas polo BNG no pleno de Narón polo COVID-19: sociais, fiscais, comunicativas

As medidas propostas polo BNG no pleno de Narón polo COVID-19: sociais, fiscais, comunicativas

O concello de Narón anuncia que estudará as medidas presentadas polo BNG nun pleno virtual por mor do estado de alarma.

 

O BNG de Narón presentou unha batería de medidas para incluír no traballo do Concello ao que angadiu unha máis das presentadas esta semana na que se pedía que o concello de Narón facilitara residencia e hoteis para o persoal traballador do concello que conviven con persoas de risco polo virus e que estean expostos polo seu traballo como pode ser a policía local, o servizo de voluntariado ou o SPEIS. As medidas inclúen desde protocolos para a violencia machista, as persoas sen fogar ou medidas fiscais para empresas e particulares. “Todas elas estanse a presentar desde a seriedade e desde o estudo do gabinete de crise que no BNG temos con persoas expertas en cada tema, son factibles xa que de feito concellos como Pontevedra, Allariz ou Tomiño por citar tres exemplos estanas a levar a cabo na súa totalidade” indica Olaia Ledo, portavoz municipal do BNG de Narón

 

Ler novas
PORTADAS
A participación cidadá aprobada no Concello de Narón seguerá a non ser boa

A participación cidadá aprobada no Concello de Narón seguerá a non ser boa

A enmenda do BNG ao Regulamento de Participación Cidadá de Narón, no que se pedía que a cidadanía puidera intervir nas mocións políticas, non sae aprobada pola mínima nun pleno realizado virtualmente e onde non puido participar a poboación.

Hoxe en Narón fíxose un pleno atípico debido ao estado de alarma. Foi telemático e non aberto á cidadanía e por iso desde o BNG “queremos agradecer que fose posible grazas ao traballo do persoal do concello, desde secretaría e intervención pasando polas persoas informáticas pero salientamos que é incomprensible que se incluíra a aprobación definitiva do Regulamento de Participación Cidadá xusto nun pleno no que non pode participar ou asistir a poboación. É por iso que tamén presentamos unha enmenda para que todas as persoas poidan participar nos plenos en calquera moción política e que conste en acta, algo que se pode facer por exemplo en Ferrol pero non en Narón”.  Indica Olaia Ledo, portavoz do BNG. Un dato curioso da situación é que o PSOE que leva esa área no concello dividiu a votación: o seu voceiro votou a favor da moción, a concelleira de participación en contra e o outro concelleiro en contra aclarando que estaba dacordo. A votación ficou finalmente con 9 votos a favor de incluír a moción e 11 en contra. “A participación cidadá seguirá a ser escasa nos plenos municipais , o lugar onde todas temos que sentirnos representadas, sen despotismos“ indica Geno Carballeira, concelleiro do BNG que interviu no pleno neste punto.

Ler novas