BNG de Narón
Asemblea local BNG de Narón
BNG de Narón

Traballamos con ilusión por un Narón Mellor. Estamos orgullosas e orgullosos do nosos concello mais sabemos que é o momento de que deamos un paso cara adiante e que ademais de dotármonos de servizos sexamos unha cidade amábel para vivir, para estar, para quedar e para gozar dela. Queremos máis e que a xente que veña a vivir canda nós non o vexa como algo temporal se non que nos sitúe no mapa con orgullo entre as súas amizades e familiares. Como BNG non só traballamos por Narón se non que nos verás na rúa, en asembleas, nas institucións buscando a igualdade real de todas as persoas, polo benestar do pobo galego (con emprego, dereitos, servizos, transporte, coidando o medio ambiente, apostando polos sectores produtivos e o comercio de cercanía) e porque o futuro sempre sexa mellor. Soñamos e traballamos para facelo realidade. Se queres participar con nós estamos na rúa 25 de Xullo nº1, entrechán F (en fronte ao concello e ao centro de saúde). Abertos mércores, xoves e venres de 9:00 a 13:00 e de 16.00 a 18:30. Tamén nos podes atopar todos os días na oficina do grupo municipal no entrechán da casa do Concello. Podes enviarnos un correo a naron@bng.gal ou chamarnos ao 981 383 990 para calqueira información ou cuestión . Temos unha idea clara: sumar por Narón e por Galiza

PORTADAS
Aprobada a moción do BNG a prol da visibilidade e dereitos LGBT+

Aprobada a moción do BNG a prol da visibilidade e dereitos LGBT+

Esta mañá tivo lugar o último pleno de Narón e a única moción presentada foi aprobada coas únicas abstencións do PP. O colectivo Avante Ferrolterra interveu no pleno para visibilizar a súa loita e a situación que teñen que vivir no día a días as persoas do colectivo.

“Foi un día importante para Narón” declara Olaia Ledo, voceira do BNG “de cumprirse o aprobado no pleno, o 2020 xa será un pouco mellor que o 2019 na loita por unha igualdade real para todas as persoas. As administracións temos a obriga de lexislar, traballar, colaborar e escoitar para avanzar na visibilidade da sociedade diversa que xa somos de facto”. Desde o BNG somos conscientes de que a moción é só un paso e que os verdadeiros cambios virán nas accións do día a día, no recoñecemento das múltiples identidades.

 

Ler novas
PORTADAS
Presentación dunha moción a prol dos dereitos LGTB+

Presentación dunha moción a prol dos dereitos LGTB+

Antes de rematar o ano e, despois de falar con diversos colectivos, consideramos imprescindíbel a posta en marcha de medidas, cursos de formación, material audiovisual, asesoramento para todas as persoas en materia LGTB+. A visibilidade é o paso primeiro e Narón pode ser un referente na loita pola igualdade e diversidade en todos os ámbitos. "Esta moción parécenos importantísima e sentímonos moi orgullosas de presentala. Consideramos imprescindible avanzar en todos os dereitos para sermos iguais e para iso a formación, a conducción e o acceso a materias que promovan a diversidade fase fundamental" declara Olaia Ledo, voceira do BNG de Narón "de saír aprobada esta moción no pleno da vindeira semana Narón dará un paso xigante de cara a construir un concello con todos os dereitos para todas as persoas, un concello que xa é diverso e que traballa pola igualdade real

 

Nel márcanse puntos como a formación do persoal traballador, cursos, palestras e obradoiros específicos nos centros de ensino, instar á Xunta por una nova lei de identidad de xénero, dotar as bibliotecas e locais socias de material audiovisual e libros de temática LGBT+ ou realización dun congreso interdisciplinar en colaboración coa Universidade da Coruña no que se presente o traballo dos equipos de investigación, convertido a Narón en referente e exemplo en materia LGTB+ 

Ler novas
NOVAS
O BNG leva ao parlamento galego o centro de saúde de Narón agora en construción

O BNG leva ao parlamento galego o centro de saúde de Narón agora en construción

O BNG de Narón continúa coa campaña para que o futuro centro de saúde, agora en construción, conte con todos os servizos que unha cidade de 40.000 habitantes precisa. Ademais, o proxecto incluíu o demandado servizo de radioloxía despois dunha gran campaña mais seguimos a pedir unha consulta de psicoloxía clínica. O bloque rexistrou pregunta parlamentar e unha proposición non de lei para que desde a Consellería se postulen de maneira oficial.

 

Ler novas
NOVAS
O BNG de Narón leva a pleno a folga das contratas de mantemento

O BNG de Narón leva a pleno a folga das contratas de mantemento

O BNG de Narón, presenta no pleno de mañá xoves 25 de setembro en Narón, unha moción urxente para reclamar o apoio do Concello de Narón á folga de contratas de mantemento de Navantia nas dúas empresas que teñen sede no campus das Lagoas nesta localidade. Tamén presenta moción sobre o clima e contra a violencia de xénero e reclamar políticas a tomar desde a localidade. Tamén o grupo municipal vén de reclamat reparacións en diferentes zonas da cidade e viais que contaron, estas últimas, co apoio do goberno en diferentes comisións.

Ler novas
NOVAS
O BNG estará na oposición nesta lexislatura

O BNG estará na oposición nesta lexislatura

Consideramos que despois de falar entre as partes non se dan as circunstancias para entrar nun cogoberno. Desexamos polo ben de todas as naronesas e naroneses as mellores das sortes ao goberno saínte mañá e buscaremos de maneira construtiva chegar a acordos e conseguir coas ferramentas que dispoñemos tanto na corporación como nas xuntanzas coa veciñanza un proxecto ilusionante cara a nosa cidade.

Ler novas