O BNG DE NARÓN DECIDIU EN ASEMBLEA NON ENTRAR NESTES MOMENTOS A UN POSÍBEL COGOBERNO DA CIDADE DE NARÓN.

O BNG estará na oposición nesta lexislatura

bng-logo-2017
bng-logo-2017

Consideramos que despois de falar entre as partes non se dan as circunstancias para entrar nun cogoberno. Desexamos polo ben de todas as naronesas e naroneses as mellores das sortes ao goberno saínte mañá e buscaremos de maneira construtiva chegar a acordos e conseguir coas ferramentas que dispoñemos tanto na corporación como nas xuntanzas coa veciñanza un proxecto ilusionante cara a nosa cidade.

O BNG estará na oposición nesta lexislatura

1.- O resultado electoral é claro e TeGA gañou as eleccións. Por iso, o Bloque Nacionalista Galego vai favorecer á investidura de Marián Ferreiro como alcaldesa. Nunca chegamos a valorar as outras alternativas que se nos puxeron enriba da mesa.

 

2.- Mantivemos conversas con Terra Galega e PSOE e puidemos contrastar liñas programáticas. Agradecer o diálogo e o tono mantido sempre por todas as partes.

 

3.- Consideramos que non se dan neste momento actual as condicións para poder desenvolver as liñas programáticas que dean ese salto adiante e transformación da realidade que reclamabamos na campaña e que o noso lugar é, nestes momentos, a oposición para intentar conseguilo polos medios cos que dispoñemos. Realizaremos unha oposición construtiva, na que buscaremos chegar a acordos que beneficien a todas as naronesas e naroneses.

 

4.- As portas fican abertas no futuro e para establecer todo tipo de diálogo.

 

5.- Queremos agradecer todo o traballo realizado polo grupo municipal. Un traballo que levou a Narón a ter débeda bancaria cero, poñer en valor o pequeno comercio e os productos de cercanía desde promoción económica e un avance imparábel (e esperamos que sen marcha atrás polo ben de todas as entidades) en promoción social así como as melloras na área de igualdade. Narón é mellor hoxe tamén polo traballo do BNG e queremos que siga a mellorar co noso traballo e esforzo. 

 

6. Desde xa estaremos na rúa escoitando ás veciñas e veciños de Narón, traballaremos para que o espazo público sexa gañado para as persoas e para avanzar en dereitos. As nosas ilusións por un Narón que funcione e ilusione seguen intactas e por iso queremos agradecer a todas as persoas que depositaron a confianza no BNG o 26 de maio e esperamos poder estar á altura que se nos encomendou. Ás demais persoas tamén dicir que saiban que teñen no BNG unha forza que vén con humildade pero disposta a conseguir grandes cousas para a cidade e o seu benestar e nas que todas merecemos a mesma atención e posta en valor tanto na zona rural como urbana. Estaremos atentas tamén a ese case 50% da poboación que decidiu non ir votar nas municipais porque non atopou alicientes suficientes. Elas e eles tamén son Narón e consideramos que debemos ser capaces desde a política en poder chegar a toda a cidadanía. 

 

comentarios